Produtos
Máis que Mel!
Das abellas podemos obter: mel, pole, própole, cera e xelea real. Hai tantas variedades de meles como plantas e combinacións entre elas. Temos pois unha gama infinita de cores, aromas e sabores. Os meles de Galicia, procedentes de flores silvestres e envasado artesanal, conservan todas as súas propiedades. Cada comarca ofrece o seu propio mel. Todos eles son meles extraordinarios, dos que podemos escoller o que máis nos guste. E o mesmo podemos dicir a respecto do pole.
A Unión Europea ten incluído no rexistro das denominacións de orixe a Indicación Xeográfica Protexida «Mel de Galicia» desde xullo de 2007. Os meles de Galicia gozan dunha protección a nivel europeo que certifica tanto a súa procedencia coma a súa calidade diferenciada. Cada ano celébranse en Galicia múltiples feiras monográficas cos produtos das abellas, que serven para dar a coñecelos e salientar a importancia do mundo apícola como unha actividade imprescindible para o ambiente e a produción de alimentos.
Meles de Galicia:
- Mel de flores
- Mel de castiñeiro
- Mel de breixo (carrasca-queiroga-uz)
- Mel de eucalipto
- Mel de silva
- Mel de bosque